aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

watan ka rag

Chakbast Brij Narayan

watan ka rag

Chakbast Brij Narayan

MORE BYChakbast Brij Narayan

    Interesting Fact

    1917

    zamīn hind rutba meñ arsh-e-a.alā hai

    ye home-rule ummīd ujālā hai

    mrs-besant ne is aarzū ko paalā hai

    faqīr qaum ke haiñ aur ye raag maalā hai

    talab fuzūl hai kāñTe phuul ke badle

    na leñ bahisht bhī ham home-rule ke badle

    vatan-parast shahīdoñ ḳhaak lā.eñge

    ham apnī aañkh surma use banā.eñge

    ġharīb maañ ke liye dard-dukh uThā.eñge

    yahī payām-e-vafā qaum ko sunā.eñge

    talab fuzūl hai kāñTe phuul ke badle

    na leñ bahisht bhī ham home-rule ke badle

    hamāre vāste zanjīr-o-tauq gahnā hai

    vafā ke shauq meñ gāñdhī ne jis ko pahnā hai

    samajh liyā ki hameñ ranj-o-dard sahnā hai

    magar zabāñ se kaheñge vahī jo kahnā hai

    talab fuzūl hai kāñTe phuul ke badle

    na leñ bahisht bhī ham home-rule ke badle

    pahnāne vaale agar beḌiyāñ pahnā.eñge

    ḳhushī se qaid ke goshe ko ham basā.eñge

    jo santarī dar-e-zindāñ ke bhī so jā.eñge

    ye raag ke unheñ niiñd se jagā.eñge

    talab fuzūl hai kāñTe phuul ke badle

    na leñ bahisht bhī ham home-rule ke badle

    zabāñ ko band kiyā hai ye ġhāfiloñ ko hai naaz

    zarā ragoñ meñ lahū bhī dekh leñ andāz

    rahegā jaan ke ham-rāh dil soz-o-gudāz

    chitā se aa.egī marne ke ba.ad ye āvāz

    talab fuzūl hai kāñTe phuul ke badle

    na leñ bahisht bhī ham home-rule ke badle

    yahī duā hai vatan ke shikasta hāloñ

    yahī umañg javānī ke naunihāloñ

    jo rahnumā hai mohabbat pe miTne vāloñ

    hameñ qasam hai usī ke saped bāloñ

    talab fuzūl hai kāñTe phuul ke badle

    na leñ bahisht bhī ham home-rule ke badle

    yahī payām hai koyal baaġh ke andar

    isī havā meñ hai gañgā zor āTh-pahr

    hilāl-e-īd ne hai yahī diloñ ko ḳhabar

    pukārtā hai himāla se abr uTh uTh kar

    talab fuzūl hai kāñTe phuul ke badle

    na leñ bahisht bhī ham home-rule ke badle

    base hue haiñ mohabbat se jin qaum ke ghar

    vatan paas hai un ko suhāg se baḌh kar

    jo shīr-ḳhār haiñ hindostāñ ke laḳht-e-jigar

    ye maañ ke duudh se likkhā hai un ke siine par

    talab fuzūl hai kāñTe phuul ke badle

    na leñ bahisht bhī ham home-rule ke badle

    zamin hind ki rutba mein arsh-e-ala hai

    ye home-rule ki ummid ka ujala hai

    mrs-besant ne is aarzu ko pala hai

    faqir qaum ke hain aur ye rag mala hai

    talab fuzul hai kanTe ki phul ke badle

    na len bahisht bhi hum home-rule ke badle

    watan-parast shahidon ki KHak laenge

    hum apni aankh ka surma use banaenge

    gharib man ke liye dard-dukh uThaenge

    yahi payam-e-wafa qaum ko sunaenge

    talab fuzul hai kanTe ki phul ke badle

    na len bahisht bhi hum home-rule ke badle

    hamare waste zanjir-o-tauq gahna hai

    wafa ke shauq mein gandhi ne jis ko pahna hai

    samajh liya ki hamein ranj-o-dard sahna hai

    magar zaban se kahenge wahi jo kahna hai

    talab fuzul hai kanTe ki phul ke badle

    na len bahisht bhi hum home-rule ke badle

    pahnane wale agar beDiyan pahnaenge

    KHushi se qaid ke goshe ko hum basaenge

    jo santari dar-e-zindan ke bhi so jaenge

    ye rag ga ke unhen nind se jagaenge

    talab fuzul hai kanTe ki phul ke badle

    na len bahisht bhi hum home-rule ke badle

    zaban ko band kiya hai ye ghafilon ko hai naz

    zara ragon mein lahu ka bhi dekh len andaz

    rahega jaan ke ham-rah dil ka soz-o-gudaz

    chita se aaegi marne ke baad ye aawaz

    talab fuzul hai kanTe ki phul ke badle

    na len bahisht bhi hum home-rule ke badle

    yahi dua hai watan ke shikasta haalon ki

    yahi umang jawani ke naunihaalon ki

    jo rahnuma hai mohabbat pe miTne walon ki

    hamein qasam hai usi ke saped baalon ki

    talab fuzul hai kanTe ki phul ke badle

    na len bahisht bhi hum home-rule ke badle

    yahi payam hai koyal ka bagh ke andar

    isi hawa mein hai ganga ka zor aaTh-pahr

    hilal-e-id ne di hai yahi dilon ko KHabar

    pukarta hai himala se abr uTh uTh kar

    talab fuzul hai kanTe ki phul ke badle

    na len bahisht bhi hum home-rule ke badle

    base hue hain mohabbat se jin ki qaum ke ghar

    watan ka pas hai un ko suhag se baDh kar

    jo shir-KHar hain hindostan ke laKHt-e-jigar

    ye man ke dudh se likkha hai un ke sine par

    talab fuzul hai kanTe ki phul ke badle

    na len bahisht bhi hum home-rule ke badle

    Source:

    rooh-e-chakbast (Pg. B-63 E-66)

    • Author: Chakbast Brij Narayan
      • Edition: 1988
      • Publisher: Ram Narayan Lal
      • Year of Publication: 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now