aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo bagh mein mera muntazir tha

Parveen Shakir

wo bagh mein mera muntazir tha

Parveen Shakir

MORE BYParveen Shakir

    vo baaġh meñ merā muntazir thā

    aur chāñd tulūa ho rahā thā

    zulf-e-shab-e-vasl khul rahī thī

    ḳhushbū sāñsoñ meñ ghul rahī thī

    aa.ī thī maiñ apne se milne

    jaise koī gul havā se khilne

    ik umr ke ba.ad maiñ hañsī thī

    ḳhud par kitnī tavajjoh thii!

    pahnā gahrā basantī joḌā

    aur itr-e-suhāg meñ basāyā

    ā.īne meñ ḳhud ko phir ka.ī baar

    us nazroñ se maiñ ne dekhā

    sandal se chamak rahā thā māthā

    chandan se badan mahak rahā thā

    hoñToñ pe bahut sharīr laalī

    gāloñ pe gulāl kheltā thā

    bāloñ meñ piro.e itne motī

    tāroñ gumān ho rahā thā

    afshāñ lakīr maañg meñ thī

    kājal āñkhoñ meñ hañs rahā thā

    kānoñ meñ machal rahī thī baalī

    bāñhoñ se lipaT rahā thā gajrā

    aur saare badan se phūTtā thā

    us ke liye giit jo likhā thaa!

    hāthoñ meñ liye diye thālī

    us ke qadmoñ meñ ke baiThī

    aa.ī thī ki aartī utārūñ

    saare jīvan ko daan kar duuñ!

    dekhā mire devtā ne mujh ko

    ba.ad is ke zarā muskurāyā

    phir mere sunahre thaal par haath

    rakkhā bhī to ik diyā uThāyā

    aur merī tamām zindagī se

    māñgī bhī to ek shaam māñgī

    wo bagh mein mera muntazir tha

    aur chand tulua ho raha tha

    zulf-e-shab-e-wasl khul rahi thi

    KHushbu sanson mein ghul rahi thi

    aai thi main apne pi se milne

    jaise koi gul hawa se khilne

    ek umr ke baad main hansi thi

    KHud par kitni tawajjoh di thi!

    pahna gahra basanti joDa

    aur itr-e-suhag mein basaya

    aaine mein KHud ko phir kai bar

    us ki nazron se main ne dekha

    sandal se chamak raha tha matha

    chandan se badan mahak raha tha

    honTon pe bahut sharir lali

    galon pe gulal khelta tha

    baalon mein piroe itne moti

    taron ka guman ho raha tha

    afshan ki lakir mang mein thi

    kajal aankhon mein hans raha tha

    kanon mein machal rahi thi baali

    banhon se lipaT raha tha gajra

    aur sare badan se phuTta tha

    us ke liye git jo likha tha!

    hathon mein liye diye ki thaali

    us ke qadmon mein ja ke baiThi

    aai thi ki aarti utarun

    sare jiwan ko dan kar dun!

    dekha mere dewta ne mujh ko

    baad is ke zara sa muskuraya

    phir mere sunahre thaal par hath

    rakkha bhi to ek diya uThaya

    aur meri tamam zindagi se

    mangi bhi to ek sham mangi

    Source:

    kulliyaat-e-maahe tamaam(inkaar) (Pg. 125)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now