wo bakra phir akela paD gaya hai

vo bakrā phir akelā paḌ gayā hai

ki mirā haath bhī Doñge meñ achchhī boTiyoñ ko DhūñDtā hai

vahī bakrā

khaḌā rakkhā gayā hai jis ko kone meñ nigāhoñ se chhupā kar

vo jis kī zindagī hai munhasir is baat par

ki ham khā.eñge kitnā

aur kitnā chhoḌ deñge bas yuuñ hī apnī paleToñ meñ

abhī kuchh der pahle maiñ khaḌā thā paas jis ke

aur jis ke zāviye se dekh kar mahfil ko

āñkheñ DabDabā aa.ī thiiñ merī

magar vo pal kabhī kā jā chukā thā

ki ab huuñ mez par maiñ

aur merā haath bhī Doñge meñ achchhī boTiyoñ ko DhūñDtā hai

vo bakrā phir akelā paḌ gayā hai

wo bakra phir akela paD gaya hai

ki mera hath bhi Donge mein achchhi boTiyon ko DhunDta hai

wahi bakra

khaDa rakkha gaya hai jis ko kone mein nigahon se chhupa kar

wo jis ki zindagi hai munhasir is baat par

ki hum khaenge kitna

aur kitna chhoD denge bas yun hi apni paleTon mein

abhi kuchh der pahle main khaDa tha pas jis ke

aur jis ke zawiye se dekh kar mahfil ko

aankhen DabDaba aai thin meri

magar wo pal kabhi ka ja chuka tha

ki ab hun mez par main

aur mera hath bhi Donge mein achchhi boTiyon ko DhunDta hai

wo bakra phir akela paD gaya hai