aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo kamra yaad aata hai

Javed Akhtar

wo kamra yaad aata hai

Javed Akhtar

MORE BYJaved Akhtar

    maiñ jab bhī

    zindagī chilchilātī dhuup meñ tap kar

    maiñ jab bhī

    dūsroñ ke aur apne jhuuT se thak kar

    maiñ sab se laḌ ke ḳhud se haar ke

    jab bhī us ek kamre meñ jaatā thā

    vo halke aur gahre kattha.ī rañgoñ ik kamra

    vo behad mehrbāñ kamra

    jo apnī narm muTThī meñ mujhe aise chhupā letā thā

    jaise koī maañ

    bachche ko āñchal meñ chhupā le

    pyaar se DāñTe

    ye kyā aadat hai

    jaltī dopahar meñ maare maare ghūmte ho tum

    vo kamra yaad aatā hai

    dabīz aur ḳhāsā bhārī

    kuchh zarā mushkil se khulne vaalā vo shīsham darvāza

    ki jaise koī akkhaḌ baap

    apne khurdure siine meñ

    shafqat ke samundar ko chhupā.e ho

    vo kursī

    aur us ke saath vo juḌvāñ bahan us

    vo donoñ

    dost thiiñ merī

    vo ik gustāḳh muñh-phaT ā.īna

    jo dil achchhā thā

    vo be-hañgam almārī

    jo kone meñ khaḌī

    ik būḌhī annā tarah

    ā.īne ko tambīh kartī thī

    vo ik gul-dān

    nanhā

    bahut shaitān

    un dinoñ pe hañstā thā

    darīcha

    zehānat se bharī ik muskurāhaT

    aur darīche par jhukī vo bel

    koī sabz sargoshī

    kitābeñ

    taaq meñ aur shelf par

    sanjīda ustānī banī baiThīñ

    magar sab muntazir is baat

    maiñ un se kuchh pūchhūñ

    sirhāne

    niiñd sāthī

    thakan chāra-gar

    vo narm-dil takiya

    maiñ jis god meñ sar rakh ke

    chhat ko dekhtā thā

    chhat kaḌiyoñ meñ

    na jaane kitne afsānoñ kaḌiyāñ thiiñ

    vo chhoTī mez par

    aur sāmne dīvār par

    āvezāñ tasvīreñ

    mujhe apnā.iyat se aur yaqīñ se dekhtī thiiñ

    muskurātī thiiñ

    unheñ shak bhī nahīñ thā

    ek din

    maiñ un ko aise chhoḌ jā.ūñgā

    maiñ ik din yuuñ bhī jā.ūñgā

    ki phir vāpas na ā.ūñgā

    maiñ ab jis ghar meñ rahtā huuñ

    bahut ḳhūb-sūrat hai

    magar aksar yahāñ ḳhāmosh baiThā yaad kartā huuñ

    vo kamra baat kartā thā

    main jab bhi

    zindagi ki chilchilati dhup mein tap kar

    main jab bhi

    dusron ke aur apne jhuT se thak kar

    main sab se laD ke KHud se haar ke

    jab bhi us ek kamre mein jata tha

    wo halke aur gahre katthai rangon ka ek kamra

    wo behad mehrban kamra

    jo apni narm muTThi mein mujhe aise chhupa leta tha

    jaise koi man

    bachche ko aanchal mein chhupa le

    pyar se DanTe

    ye kya aadat hai

    jalti dopahar mein mare mare ghumte ho tum

    wo kamra yaad aata hai

    dabiz aur KHasa bhaari

    kuchh zara mushkil se khulne wala wo shisham ka darwaza

    ki jaise koi akkhaD bap

    apne khurdure sine mein

    shafqat ke samundar ko chhupae ho

    wo kursi

    aur us ke sath wo juDwan bahan us ki

    wo donon

    dost thin meri

    wo ek gustaKH munh-phaT aaina

    jo dil ka achchha tha

    wo be-hangam si almari

    jo kone mein khaDi

    ek buDhi anna ki tarah

    aaine ko tambih karti thi

    wo ek gul-dan

    nanha sa

    bahut shaitan

    un dinon pe hansta tha

    daricha

    ya zehanat se bhari ek muskurahaT

    aur dariche par jhuki wo bel

    koi sabz sargoshi

    kitaben

    taq mein aur shelf par

    sanjida ustani bani baiThin

    magar sab muntazir is baat ki

    main un se kuchh puchhun

    sirhane

    nind ka sathi

    thakan ka chaara-gar

    wo narm-dil takiya

    main jis ki god mein sar rakh ke

    chhat ko dekhta tha

    chhat ki kaDiyon mein

    na jaane kitne afsanon ki kaDiyan thin

    wo chhoTi mez par

    aur samne diwar par

    aawezan taswiren

    mujhe apnaiyat se aur yaqin se dekhti thin

    muskuraati thin

    unhen shak bhi nahin tha

    ek din

    main un ko aise chhoD jaunga

    main ek din yun bhi jaunga

    ki phir wapas na aaunga

    main ab jis ghar mein rahta hun

    bahut hi KHub-surat hai

    magar aksar yahan KHamosh baiTha yaad karta hun

    wo kamra baat karta tha

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now