yaad

ek ujlā sā kāñptā dhabbā

zehn kī sat.h par luḌhaktā huā

naqsh, jis meñ kabhī simaT aa.ī

laakh yādoñ kī mast añgḌā.ī

daaġh jis kī jabīn-e-ġham pe kabhī

ho gayā aa ke larza-bar-andām

kisī bhūle hue habīb kā naam

zaḳhm jis kī tapaktī tah se kabhī

ras paḌe dukhte ghuñghaT ulTā ke

kisī chehre ke saikḌoñ ḳhāke

aks an-dekhā aks tairtā hai

āñsuoñ kī ravāniyoñ meñ ravāñ

ruuh kī shorishoñ meñ sāya-kunāñ

zehn kī sat.h par luḌhaktā huā

ek ujla sa kanpta dhabba

zehn ki sath par luDhakta hua

naqsh, jis mein kabhi simaT aai

lakh yaadon ki mast angDai

dagh jis ki jabin-e-gham pe kabhi

ho gaya aa ke larza-bar-andam

kisi bhule hue habib ka nam

zaKHm jis ki tapakti tah se kabhi

ras paDe dukhte ghunghaT ulTa ke

kisi chehre ke saikDon KHake

aks an-dekha aks tairta hai

aansuon ki rawaniyon mein rawan

ruh ki shorishon mein saya-kunan

zehn ki sath par luDhakta hua