ye daulat bhi le lo ye shohrat bhi le lo

Sudarshan Fakir

ye daulat bhi le lo ye shohrat bhi le lo

Sudarshan Fakir

MORE BYSudarshan Fakir

    ye daulat bhī le lo ye shohrat bhī le lo

    bhale chhīn lo mujh se se merī javānī

    magar mujh ko lauTā do vo bachpan sāvan

    vo kāġhaz kashtī vo bārish paanī

    ye daulat bhī le lo ye shohrat bhī le lo

    bhale chhīn lo mujh se merī javānī

    magar mujh ko lauTā do bachpan sāvan

    vo kāġhaz kashtī vo bārish paanī

    mohalle sab se nishānī purānī

    vo buḌhiyā jise bachche kahte the naanī

    vo naanī bātoñ meñ pariyoñ Dherā

    vo chehre jhuriyoñ meñ sadiyoñ pherā

    bhulā.e nahīñ bhuul saktā hai koī

    vo chhoTī rāteñ vo lambī kahānī

    vo kāġhaz kashtī vo bārish paanī

    khaḌī dhuup meñ apne ghar se nikalnā

    vo chiḌiyāñ vo bulbul vo titlī pakaḌnā

    vo guḌiyoñ shādī pe laḌnā jhagaḌnā

    vo jhūloñ se girnā vo girte sambhalnā

    vo pītal ke chhāñv ke pyāre se tohfe

    vo TuuTī huī chūḌiyoñ nishānī

    vo kāġhaz kashtī vo bārish paanī

    kabhī ret ke ūñche Tīloñ pe jaanā

    gharauñde banānā banā ke miTānā

    vo ma.asūm chāhat tasvīr apnī

    vo ḳhvāboñ khilaunoñ jāgīr apnī

    na duniyā ġham thā na rishtoñ ke bandhan

    baḌī ḳhūbsūrat thī vo zindagānī

    ye daulat bhī le lo ye shohrat bhī le lo

    bhale chhīn lo mujh se merī javānī

    magar mujh ko lauTā do bachpan sāvan

    vo kāġhaz kashtī vo bārish paanī

    vo kāġhaz kashtī vo bārish paanī

    ye daulat bhi le lo ye shohrat bhi le lo

    bhale chhin lo mujh se se meri jawani

    magar mujh ko lauTa do wo bachpan ka sawan

    wo kaghaz ki kashti wo barish ka pani

    ye daulat bhi le lo ye shohrat bhi le lo

    bhale chhin lo mujh se meri jawani

    magar mujh ko lauTa do bachpan ka sawan

    wo kaghaz ki kashti wo barish ka pani

    mohalle ki sab se nishani purani

    wo buDhiya jise bachche kahte the nani

    wo nani ki baaton mein pariyon ka Dhera

    wo chehre ki jhuriyon mein sadiyon ka phera

    bhulae nahin bhul sakta hai koi

    wo chhoTi si raaten wo lambi kahani

    wo kaghaz ki kashti wo barish ka pani

    khaDi dhup mein apne ghar se nikalna

    wo chiDiyan wo bulbul wo titli pakaDna

    wo guDiyon ki shadi pe laDna jhagaDna

    wo jhulon se girna wo girte sambhalna

    wo pital ke chhanw ke pyare se tohfe

    wo TuTi hui chuDiyon ki nishani

    wo kaghaz ki kashti wo barish ka pani

    kabhi ret ke unche Tilon pe jaana

    gharaunde banana bana ke miTana

    wo masum chahat ki taswir apni

    wo KHwabon khilaunon ki jagir apni

    na duniya ka gham tha na rishton ke bandhan

    baDi KHubsurat thi wo zindagani

    ye daulat bhi le lo ye shohrat bhi le lo

    bhale chhin lo mujh se meri jawani

    magar mujh ko lauTa do bachpan ka sawan

    wo kaghaz ki kashti wo barish ka pani

    wo kaghaz ki kashti wo barish ka pani

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY