ye kahan jaenge

mo.ajiza thā ajab

āhanī chanchanāhaT se zanjīr ḳhud apne qadmoñ meñ aa kar girī

bhārī-bharkam dahāne khule

aur charḳh chuuñ kī fariyād ke saath

paTrī par Dabbe sarakne lage

sub.h kī dūdhiyā chhāñv meñ

aañkh malte hue sab ye hairat-zada dekhte the

koī khīñchne vaalā engine na thā

aur tarā.ī utartī ga.ī

un kī raftār baḌhtī ga.ī

ḳhār-o-ḳhas ko kuchaltī huī

tez se tez-tar

tez tar tez-tar

ab ye paTrī jahāñ un ko le jaa.e

jā.eñge

ab ye musāfir

jo is fazl-e-rabbī pe nāzāñ the

hairāñ haiñ

mashkūk nazroñ se

ik dūsre se gurezāñ se

vahmoñ ko dil meñ chhupā.e hue

tez raftār baḌhte chale jā.eñge

ye kahāñ jā.eñge

moajiza tha ajab

aahani chanchanahaT se zanjir KHud apne qadmon mein aa kar giri

bhaari-bharkam dahane khule

aur charKH chun ki fariyaad ke sath

paTri par Dabbe sarakne lage

subh ki dudhiya chhanw mein

aankh malte hue sab ye hairat-zada dekhte the

koi khinchne wala engine na tha

aur tarai utarti gai

un ki raftar baDhti gai

KHar-o-KHas ko kuchalti hui

tez se tez-tar

tez tar tez-tar

ab ye paTri jahan un ko le jae

jaenge

ab ye musafir

jo is fazl-e-rabbi pe nazan the

hairan hain

mashkuk nazron se

ek dusre se gurezan se

wahmon ko dil mein chhupae hue

tez raftar baDhte chale jaenge

ye kahan jaenge