ye wo basti hi nahin

zindagī tū mujhe kis moḌ pe le aa.ī hai

ḳhvāb khulte the jahāñ barf vahāñ chhā.ī hai

sau darīche haiñ magar sham.a kisī par bhī nahīñ

chāñd nikle mirī rātoñ kā muqaddar bhī nahīñ

kyā karūñ kyā na karūñ haath meñ patthar bhī nahīñ

shīsh-mahloñ ko koī ġham bhī nahīñ Dar bhī nahīñ

log gūñge haiñ bayābāñ meñ azaañ kaise ho

log qātil haiñ ilāj-e-ġham-e-jāñ kaise ho

log patthar haiñ to ehsās-e-ziyāñ kaise ho

kis ko fursat hai jo pūchhe ki miyāñ kaise ho

raat jab ḳhatm huī thī to sahar lagtī thī

raushnī rāhguzar rāhguzar lagtī thī

zindagī kūcha-e-jānāñ kā safar lagtī thī

apnī manzil kahīñ jannat ke udhar lagtī thī

kuchh bhī āñkhoñ meñ nahīñ ashk-e-nadāmat ke sivā

kuchh bhī dāman meñ nahīñ dāġh-e-malāmat ke sivā

kuchh bhī chehre pe nahīñ gard-e-masāfat ke sivā

apnī dūkān meñ sab kuchh hai mohabbat ke sivā

zindagi tu mujhe kis moD pe le aai hai

KHwab khulte the jahan barf wahan chhai hai

sau dariche hain magar shama kisi par bhi nahin

chand nikle meri raaton ka muqaddar bhi nahin

kya karun kya na karun hath mein patthar bhi nahin

shish-mahlon ko koi gham bhi nahin Dar bhi nahin

log gunge hain bayaban mein azan kaise ho

log qatil hain ilaj-e-gham-e-jaan kaise ho

log patthar hain to ehsas-e-ziyan kaise ho

kis ko fursat hai jo puchhe ki miyan kaise ho

raat jab KHatm hui thi to sahar lagti thi

raushni rahguzar rahguzar lagti thi

zindagi kucha-e-jaanan ka safar lagti thi

apni manzil kahin jannat ke udhar lagti thi

kuchh bhi aankhon mein nahin ashk-e-nadamat ke siwa

kuchh bhi daman mein nahin dagh-e-malamat ke siwa

kuchh bhi chehre pe nahin gard-e-masafat ke siwa

apni dukan mein sab kuchh hai mohabbat ke siwa