zanjir

MORE BYNoon Meem Rashid

    gosha-e-zanjīr meñ

    ik na.ī jumbish huvaidā ho chalī

    sañg-e-ḳhārā sahī ḳhār-e-muġhīlāñ sahī

    dushman-e-jāñ dushman-e-jāñ sahī

    dost se dast-o-garebāñ sahī

    ye bhī to shabnam nahīñ

    ye bhī to maḳhmal nahīñ diibā nahīñ resham nahīñ

    har jagah phir sīna-e-naḳhchīr meñ

    ik nayā armāñ na.ī ummīd paidā ho chalī

    hajla-e-sīmīñ se bhī pīla-e-resham nikal

    vo hasīñ aur dūr-uftāda farañgī aurteñ

    ne jin ke husn-e-roz-afzūñ zīnat ke liye

    sālahā be-dast-o-pā ho kar bune haiñ tār-hā-e-sīm-o-zar

    un ke mardoñ ke liye bhī aaj ik sañgīn jaal

    ho sake to apne paikar se nikāl

    shukr hai dumbāla-e-zanjīr meñ

    ik na.ī jumbish na.ī larzish huvaidā ho chalī

    kohsāroñ reg-zāroñ se sadā aane lagī

    zulm-parvarda ġhulāmo bhaag jaao

    parda-e-shab-gīr meñ apne salāsil toḌ kar

    chār-sū chhā.e hue zulmāt ko ab chiir jaao

    aur is hañgām-bād-āvar ko

    hīla-e-shab-ḳhūñ banāo

    gosha-e-zanjir mein

    ek nai jumbish huwaida ho chali

    sang-e-KHara hi sahi KHar-e-mughilan hi sahi

    dushman-e-jaan dushman-e-jaan hi sahi

    dost se dast-o-gareban hi sahi

    ye bhi to shabnam nahin

    ye bhi to maKHmal nahin diba nahin resham nahin

    har jagah phir sina-e-naKHchir mein

    ek naya arman nai ummid paida ho chali

    hajla-e-simin se tu bhi pila-e-resham nikal

    wo hasin aur dur-uftada farangi aurten

    tu ne jin ke husn-e-roz-afzun ki zinat ke liye

    salaha be-dast-o-pa ho kar bune hain tar-ha-e-sim-o-zar

    un ke mardon ke liye bhi aaj ek sangin jal

    ho sake to apne paikar se nikal

    shukr hai dumbaala-e-zanjir mein

    ek nai jumbish nai larzish huwaida ho chali

    kohsaron reg-zaron se sada aane lagi

    zulm-parwarda ghulamo bhag jao

    parda-e-shab-gir mein apne salasil toD kar

    chaar-su chhae hue zulmat ko ab chir jao

    aur is hangam-baad-awar ko

    hila-e-shab-KHun banao

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY