zard suraj

Sahar Ansari

zard suraj

Sahar Ansari

MORE BYSahar Ansari

    muhīb rūhoñ ke qahqahoñ se

    ma.āsir-e-jāñ laraz uThe haiñ

    lahū raftār zahr-e-qātil dhaar ban kar

    dil gahrā.iyoñ meñ paiham utar rahī hai

    haDDiyāñ āgahī bedār aag meñ phir pighal rahī haiñ

    hayāt se be-ḳhabar fazāoñ meñ

    jism tahlīl ho rahā hai

    shab-e-siyah ke Darāvne fāsloñ se laTkī huī

    shappra-chashm ārzūeñ ye chāhtī haiñ

    ki tīrgī ko maiñ ruuh apnī faroḳht kar duuñ

    aur us ujāle ko bhuul jā.ūñ

    jo ab bhī merā masīh-e-mau.ūd-e-jism-o-jāñ hai

    muhīb rūhoñ ke qahqahoñ ne

    merī āvāz chhīn hai

    maiñ ghar dīvār par nigāheñ jamā.e baiThā huuñ

    jaise mere tamām alfāz ghar dīvār meñ nihāñ haiñ

    muhīb rūhoñ ke qahqahoñ meñ

    kuchh ajnabī ajnabī sadā.eñ ubhar rahī haiñ

    vaqt chaak chal rahā hai

    zamīn saañs ukhaḌ rahī hai

    maiñ sochtā huuñ

    vo zard sūraj na-jāne kab aa.egā

    ki jis

    kitāb-e-sayyārgāñ meñ va.ada kiyā gayā hai

    kitāb-e-sayyārgāñ ke mālik

    maiñ is añdhere se thak gayā huuñ

    muhib ruhon ke qahqahon se

    maasir-e-jaan laraz uThe hain

    lahu ki raftar zahr-e-qatil ki dhaar ban kar

    dil ki gahraiyon mein paiham utar rahi hai

    haDDiyan aagahi ki bedar aag mein phir pighal rahi hain

    hayat se be-KHabar fazaon mein

    jism tahlil ho raha hai

    shab-e-siyah ke Darawne faslon se laTki hui

    shappra-chashm aarzuen ye chahti hain

    ki tirgi ko main ruh apni faroKHt kar dun

    aur us ujale ko bhul jaun

    jo ab bhi mera masih-e-mauud-e-jism-o-jaan hai

    muhib ruhon ke qahqahon ne

    meri aawaz chhin li hai

    main ghar ki diwar par nigahen jamae baiTha hun

    jaise mere tamam alfaz ghar ki diwar mein nihan hain

    muhib ruhon ke qahqahon mein

    kuchh ajnabi ajnabi sadaen ubhar rahi hain

    waqt ka chaak chal raha hai

    zamin ki sans ukhaD rahi hai

    main sochta hun

    wo zard suraj na-jaane kab aaega

    ki jis ka

    kitab-e-sayyargan mein wada kiya gaya hai

    kitab-e-sayyargan ke malik

    main is andhere se thak gaya hun

    Source
    • Book : namuud (Pg. 66)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY