aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zinda aadmi se kalam

Abrar Ahmad

zinda aadmi se kalam

Abrar Ahmad

MORE BYAbrar Ahmad

    kabhī vaqt saañs meñ

    hoñT uljhā ke dekhe haiñ tum ne

    ki is bad-gumāñ mausamoñ ke muġhannī tāneñ

    nihāñ ḳhāna-e-dil meñ

    gahrī ḳhamoshī haibat girātī chalī rahī haiñ

    azal se abad tak bipharte hue

    sail-e-be-mā.igī meñ kabhī

    dil ukhaḌte hue shahr girte hue

    dekh paa.e ho tum

    kabhī bhīge bhīge se dīvār-o-dar meñ

    ki bachpan galiyoñ makānoñ meñ

    bārish āvāz se dil dahalte hue

    kisī mushtarak ḳhauf āhaToñ se

    dhaḌakte hue bām-o-dar aur ziine

    musalsal havā aur bārish āvāz chaltī huī

    kabhī muñh-añdhere taqdīs meñ

    duur se aatī gaaḌī siiTī ko sunte hue

    tum ne sochā hai un ke liye

    jin ke qadmoñ meñ manzil

    musalsal azaab aur ḳhvāboñ se ta.abīr tak duur hai

    kabhī shaam sansanātī havā meñ

    ThiThurtī ḳhamoshī sahmī sadā sun ke

    darvāza kholā hai un ke liye

    jin ke hāthoñ larzish meñ dastak nahīñ

    mujhe pūchhnā hai

    ki khulte hue phuul chaltī havā

    aur guzre mah-o-sāl dastakoñ par

    na ho sakne vāloñ pe aañsū bahā.e haiñ tum ne

    ki maiñ

    raat ek hichkī meñ Thahrī huī saañs huuñ

    aur tumhārī ghanī niiñd ke bāzuoñ se

    phisaltā huā lams huuñ

    kabhi waqt ki sans mein

    honT uljha ke dekhe hain tum ne

    ki is bad-guman mausamon ke mughanni ki tanen

    nihan KHana-e-dil mein

    gahri KHamoshi ki haibat giraati chali ja rahi hain

    azal se abad tak bipharte hue

    sail-e-be-maigi mein kabhi

    dil ukhaDte hue shahr girte hue

    dekh pae ho tum

    kabhi bhige bhige se diwar-o-dar mein

    ki bachpan ki galiyon makanon mein

    barish ki aawaz se dil dahalte hue

    kisi mushtarak KHauf ki aahaTon se

    dhaDakte hue baam-o-dar aur zine

    musalsal hawa aur barish ki aawaz chalti hui

    kabhi munh-andhere ki taqdis mein

    dur se aati gaDi ki siTi ko sunte hue

    tum ne socha hai un ke liye

    jin ke qadmon mein manzil

    musalsal azab aur KHwabon se tabir tak dur hai

    kabhi sham ki sansanati hawa mein

    ThiThurti KHamoshi ki sahmi sada sun ke

    darwaza khola hai un ke liye

    jin ke hathon ki larzish mein dastak nahin

    mujhe puchhna hai

    ki khulte hue phul chalti hawa

    aur guzre mah-o-sal ki dastakon par

    na ho sakne walon pe aansu bahae hain tum ne

    ki main

    raat ki ek hichki mein Thahri hui sans hun

    aur tumhaari ghani nind ke bazuon se

    phisalta hua lams hun

    Source:

    Aakhrii Din Se pehle (Pg. 84)

    • Author: Abrar Ahmed
      • Edition: 1997
      • Publisher: Tahir Aslam Gora, Gora Publishers
      • Year of Publication: 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now