aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zulmat ko ziya sarsar ko saba bande ko KHuda kya likhna

Habib Jalib

zulmat ko ziya sarsar ko saba bande ko KHuda kya likhna

Habib Jalib

MORE BYHabib Jalib

    Interesting Fact

    The military ruler General Zia-ul-Haq was criticized by making him a symbol of darkness and ignorance in this Nazm.

    zulmat ko ziyā sarsar ko sabā bande ko ḳhudā kyā likhnā

    patthar ko guhar dīvār ko dar kargas ko humā kyā likhnā

    ik hashr bapā hai ghar meñ dam ghuTtā hai gumbad-e-be-dar meñ

    ik shaḳhs ke hāthoñ muddat se rusvā hai vatan duniyā-bhar meñ

    ai dīda-varo is zillat ko qismat likhā kyā likhnā

    zulmat ko ziyā sarsar ko sabā bande ko ḳhudā kyā likhnā

    ye ahl-e-hashm ye dārā-o-jam sab naqsh bar-āb haiñ ai hamdam

    miT jā.eñge sab parvarda-e-shab ai ahl-e-vafā rah jā.eñge ham

    ho jaañ ziyāñ par qātil ko ma.asūm-adā kyā likhnā

    zulmat ko ziyā sarsar ko sabā bande ko ḳhudā kyā likhnā

    logoñ pe ham ne jaañ vaarī ham ne unhī ġham-ḳhvārī

    hote haiñ to hoñ ye haath qalam shā.er na baneñge darbārī

    iblīs-numā insānoñ ai dost sanā kyā likhnā

    zulmat ko ziyā sarsar ko sabā bande ko ḳhudā kyā likhnā

    haq baat pe koḌe aur zindāñ bātil ke shikanje meñ hai ye jaañ

    insāñ haiñ ki sahme baiThe haiñ ḳhuñḳhār darinde haiñ raqsāñ

    is zulm-o-sitam ko lutf-o-karam is dukh ko davā kyā likhnā

    zulmat ko ziyā sarsar ko sabā bande ko ḳhudā kyā likhnā

    har shaam yahāñ shām-e-vīrāñ āseb-zada raste galiyāñ

    jis shahr dhun meñ nikle the vo shahr dil-e-barbād kahāñ

    sahrā ko chaman ban kar gulshan bādal ko ridā kyā likhnā

    zulmat ko ziyā sarsar ko sabā bande ko ḳhudā kyā likhnā

    ai mere vatan ke fankāro zulmat pe na apnā fan vaaro

    ye mahl-sarāoñ ke baasī qātil haiñ sabhī apne yaaro

    virse meñ hameñ ye ġham hai milā is ġham ko nayā kyā likhnā

    zulmat ko ziyā sarsar ko sabā bande ko ḳhudā kyā likhnā

    zulmat ko ziya sarsar ko saba bande ko KHuda kya likhna

    patthar ko guhar diwar ko dar kargas ko huma kya likhna

    ek hashr bapa hai ghar mein dam ghuTta hai gumbad-e-be-dar mein

    ek shaKHs ke hathon muddat se ruswa hai watan duniya-bhar mein

    ai dida-waro is zillat ko qismat ka likha kya likhna

    zulmat ko ziya sarsar ko saba bande ko KHuda kya likhna

    ye ahl-e-hashm ye dara-o-jam sab naqsh bar-ab hain ai hamdam

    miT jaenge sab parwarda-e-shab ai ahl-e-wafa rah jaenge hum

    ho jaan ka ziyan par qatil ko masum-ada kya likhna

    zulmat ko ziya sarsar ko saba bande ko KHuda kya likhna

    logon pe hi hum ne jaan wari ki hum ne hi unhi ki gham-KHwari

    hote hain to hon ye hath qalam shaer na banenge darbari

    iblis-numa insanon ki ai dost sana kya likhna

    zulmat ko ziya sarsar ko saba bande ko KHuda kya likhna

    haq baat pe koDe aur zindan baatil ke shikanje mein hai ye jaan

    insan hain ki sahme baiThe hain KHunKHar darinde hain raqsan

    is zulm-o-sitam ko lutf-o-karam is dukh ko dawa kya likhna

    zulmat ko ziya sarsar ko saba bande ko KHuda kya likhna

    har sham yahan sham-e-viran aaseb-zada raste galiyan

    jis shahr ki dhun mein nikle the wo shahr dil-e-barbaad kahan

    sahra ko chaman ban kar gulshan baadal ko rida kya likhna

    zulmat ko ziya sarsar ko saba bande ko KHuda kya likhna

    ai mere watan ke fankaro zulmat pe na apna fan waro

    ye mahl-saraon ke basi qatil hain sabhi apne yaro

    wirse mein hamein ye gham hai mila is gham ko naya kya likhna

    zulmat ko ziya sarsar ko saba bande ko KHuda kya likhna

    Videos
    This video is playing from YouTube

    Videos
    This video is playing from YouTube

    Habib Jalib

    Habib Jalib

    Unknown

    Unknown

    Habib Jalib

    Habib Jalib

    Habib Jalib

    Habib Jalib

    RECITATIONS

    Nomaan Shauque

    Nomaan Shauque,

    Habib Jalib

    Habib Jalib,

    Nomaan Shauque

    zulmat ko ziya sarsar ko saba bande ko KHuda kya likhna Nomaan Shauque

    Habib Jalib

    zulmat ko ziya sarsar ko saba bande ko KHuda kya likhna Habib Jalib

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now