qalam

mujh se baḌhī hai ilm kī daulat

dekhne meñ huuñ maiñ be-qīmat

jāhil ko be-zārī mujh se

aalim kī hai yaarī mujh se

mujh meñ sheroñ jaisī himmat

sachchā.ī hai merī tāqat

garche lagtā chhoTā sā huuñ

kaam baḌe par maiñ kartā huuñ

dekho to be-kār hī samjho

lekin maiñ anmol huuñ bachcho

tiir nahīñ talvār nahīñ maiñ

dushman par bhī baar nahīñ maiñ

merī tāqat ko kyā jaano

daanā ho to tum pahchāno

kaam adālat meñ bhī aa.uuñ

pyaar mohabbat meñ bhī aa.uuñ

ḳhat likhnā paiġhām bhī denā

saath meñ sab kā naam bhī denā

pahchāno to kaun huuñ pyāre

aatā huuñ maiñ kaam tumhāre

mujh se baDhi hai ilm ki daulat

dekhne mein hun main be-qimat

jahil ko be-zari mujh se

aalim ki hai yari mujh se

mujh mein sheron jaisi himmat

sachchai hai meri taqat

garche lagta chhoTa sa hun

kaam baDe par main karta hun

dekho to be-kar hi samjho

lekin main anmol hun bachcho

tir nahin talwar nahin main

dushman par bhi bar nahin main

meri taqat ko kya jaano

dana ho to tum pahchano

kaam adalat mein bhi aaun

pyar mohabbat mein bhi aaun

KHat likhna paigham bhi dena

sath mein sab ka nam bhi dena

pahchano to kaun hun pyare

aata hun main kaam tumhaare