حالت کے تغیر پر ہو ماتم ماضی کیوں

اک وہ بھی زمانہ تھا اک یہ بھی زمانا ہے

توجہ چارہ گر کی باعث تکلیف ہے بیخودؔ

اضافہ ہے مصیبت میں دواؤں کا اثر کرنا

کسی سے عشق کرنا اور اس کو با خبر کرنا

ہے اپنے مطلب دشوار کو دشوار تر کرنا

ہماری ناامیدی کا تو ہے الزام قسمت پر

تمہارا مدعا ہوتا تو منظور خدا ہوتا ہوتا

ان بتوں نے مجھ کو بے خود کس قدر دھوکے دیے

سیدھا سادہ جان کر مرد مسلماں دیکھ کر

ازل سے سوختہ ساماں ہوں فکر آشیاں کیا ہو

نہ گرتی برق تو یہ سوز دل سے جل گیا ہوتا

کرتے ہیں ارباب دل اندازۂ جوش بہار

میرا دامن دیکھ کر میرا گریباں دیکھ کر