جبھی تو پان کھا کر مسکرایا

تبھی دل کھل گیا گل کی کلی کا

پیاسا مت جلا ساقی مجھے گرمی سیں ہجراں کی

شتابی لا شراب خام ہم نے دل کو بھونا ہے

جنے دیکھا سو ہی بورا ہوا ہے

ترے تل ہیں مگر کالا دھتورا

جو توں مرغا نہیں ہے اے زاہد

کیوں سحر گاہ دے ہے اٹھ کے بانگ

نہ ہووے کیوں کے گردوں پہ صدا دل کی بلند اپنی

ہماری آہ ہے ڈنکا دمامے کے بجانے کا

خم محراب ابرواں کے بیچ

کام آنکھوں کا ہے امامت کا

عشق کے فن نیں ہوں میں اودھوت

ترے در پے بٹھا ہوں مل کے بھبھوت

عشق کا طفل گر زمیں اوپر

کھیل سیکھا ہے خاک بازی کا

رقیبان سیہ رو شہر دہلی کے مصاحب ہیں

گندا نالا بھی جا کر مل رہا ہے دیکھ جمنا کوں

کماں ابرو نپٹ شہ زور ہے گا

کہ شاخ آشنائی توڑ ڈالی

جب کہ پہرا ہے تیں لباس زریں

اک قد آدم ہوئی ہے آگ بلند

جگر میں لعل کے آتش پڑی ہے

مگر تجھ لب اوپر ہاں کی دھڑی ہے