ayyām ke ġhubār se niklā to der tak

maiñ rāstoñ ko dhuul banā dekhtā rahā

ayyam ke ghubar se nikla to der tak

main raston ko dhul bana dekhta raha

sahar kī guuñj se āvāza-e-jamāl huā

so jāgtā rahā atrāf ko jagā.e hue

sahar ki gunj se aawaza-e-jamal hua

so jagta raha atraf ko jagae hue

rahtī hai shab-o-roz meñ bārish sī tirī yaad

ḳhvāboñ meñ utar jaatī haiñ ghanghor sī āñkheñ

rahti hai shab-o-roz mein barish si teri yaad

KHwabon mein utar jati hain ghanghor si aankhen

maiñ ne bachpan kī ḳhushbū-e-nāzuk

ek titlī ke sañg uḌaa.ī thī

main ne bachpan ki KHushbu-e-nazuk

ek titli ke sang uDai thi

ḳhālī huā gilās nasha sar meñ aa gayā

dariyā utar gayā to samundar meñ aa gayā

KHali hua gilas nasha sar mein aa gaya

dariya utar gaya to samundar mein aa gaya