itnā masrūf kar liyā ḳhud ko

ġham bhī aa kar ḳhushī se lauT ga.e

itna masruf kar liya KHud ko

gham bhi aa kar KHushi se lauT gae

tumhārī ḳhush-nasībī hai ki tum samjhe nahīñ ab tak

akele-pan meñ aur tanhā.ī meñ jo farq hotā hai

tumhaari KHush-nasibi hai ki tum samjhe nahin ab tak

akele-pan mein aur tanhai mein jo farq hota hai

kuchh umr apnī zaat kā dukh jhelte rahe

kuchh umr kā.enāt kā dukh jhelnā paḌā

kuchh umr apni zat ka dukh jhelte rahe

kuchh umr kaenat ka dukh jhelna paDa

par sameTe ḳhud hī baiThā hai parinda ik taraf

jo qafas meñ hī nahīñ us ko rihā kaise karūñ

par sameTe KHud hi baiTha hai parinda ek taraf

jo qafas mein hi nahin us ko riha kaise karun

yahī sabab hai ki aksar udaas rahte haiñ

jo ham se duur haiñ vo aas paas rahte haiñ

yahi sabab hai ki aksar udas rahte hain

jo hum se dur hain wo aas pas rahte hain

us se koī gila bhī kareñ ham to kyā kareñ

vā'da koī kiyā hī nahīñ us ne aaj tak

us se koi gila bhi karen hum to kya karen

wa'da koi kiya hi nahin us ne aaj tak

ek laḌkī chūḌiyāñ khankā rahī thī aur tabhī

us khanak se uTh rahā thā jaise zindānī kā shor

ek laDki chuDiyan khanka rahi thi aur tabhi

us khanak se uTh raha tha jaise zindani ka shor

kisī se bhī muḳhātib hoñ koī bhī baat hotī ho

tumhārā naam lene kā bahāna DhūñD lete haiñ

kisi se bhi muKHatib hon koi bhi baat hoti ho

tumhaara nam lene ka bahana DhunD lete hain

ek aalim hai jo sajdoñ meñ gila kartā hai

ek darvesh hai jo hālāt-e-namnāk meñ ḳhush

ek aalim hai jo sajdon mein gila karta hai

ek darwesh hai jo haalat-e-namnak mein KHush

ujlat meñ vo dekho kyā kyā chhoḌ gayā

apnī bāteñ apnā chehra chhoḌ gayā

ujlat mein wo dekho kya kya chhoD gaya

apni baaten apna chehra chhoD gaya

ḳhāna-ba-dosh ho mujhe hijr-o-visāl ek

aise bhī ḳhush nahīñ huuñ maiñ vaise bhī ḳhush nahīñ

KHana-ba-dosh ho mujhe hijr-o-visal ek

aise bhi KHush nahin hun main waise bhi KHush nahin

merī maañ to mirī jannat ko liye baiThī hai

aise kar lo mire purkhoñ kī duā tum rakh lo

meri man to meri jannat ko liye baiThi hai

aise kar lo mere purkhon ki dua tum rakh lo

us ko rone se pahle kuchh ham ne yuuñ tayyārī kī

kone meñ tanhā.ī rakkhī kamre meñ phailā.ī raat

us ko rone se pahle kuchh hum ne yun tayyari ki

kone mein tanhai rakkhi kamre mein phailai raat

had-e-nigāh dekhiye banñe ko ġham-gusār

us ko bhī chup karā.iye jo ro nahīñ rahā

had-e-nigah dekhiye banne ko gham-gusar

us ko bhi chup karaiye jo ro nahin raha