sitāra aañkh meñ dil meñ gulāb kyā rakhnā

ki Dhaltī umr meñ rañg-e-shabāb kyā rakhnā

sitara aankh mein dil mein gulab kya rakhna

ki Dhalti umr mein rang-e-shabab kya rakhna

ab dil bhī dukhāo to aziyyat nahīñ hotī

hairat hai kisī baat pe hairat nahīñ hotī

ab dil bhi dukhao to aziyyat nahin hoti

hairat hai kisi baat pe hairat nahin hoti

do chaar baras jitne bhī haiñ jabr hī sah leñ

is umr meñ ab ham se baġhāvat nahīñ hotī

do chaar baras jitne bhi hain jabr hi sah len

is umr mein ab hum se baghawat nahin hoti

ab dard bhī ik had se guzarne nahīñ paatā

ab hijr meñ vo pahlī sī vahshat nahīñ hotī

ab dard bhi ek had se guzarne nahin pata

ab hijr mein wo pahli si wahshat nahin hoti

bas itnā yaad hai ik bhuul sī huī thī kahīñ

ab is se baḌh ke dukhoñ kā hisāb kyā rakhnā

bas itna yaad hai ek bhul si hui thi kahin

ab is se baDh ke dukhon ka hisab kya rakhna