ishq meñ ye tafraqa-bāzī bahut ma.ayūb hai

pyaar ko shii.a vahābī aur sunnī mat samajh

ishq mein ye tafraqa-bazi bahut mayub hai

pyar ko shia wahabi aur sunni mat samajh

kitnī mazāhiya hai ye botal ke jin kī baat

aaqā ab inqalāb hai do chaar din kī baat

kitni mazahiya hai ye botal ke jin ki baat

aaqa ab inqalab hai do chaar din ki baat

na ye qānūn kaam aayā thā rāñjhe ke zarā sā bhī

usī ko bhaiñs miltī hai ho jis ke haath meñ lāThī

na ye qanun kaam aaya tha ranjhe ke zara sa bhi

usi ko bhains milti hai ho jis ke hath mein laThi

ve bāloñ meñ color lagvā chukā hai

ye dhoka pāñch sau meñ khā chukā hai

we baalon mein color lagwa chuka hai

ye dhoka panch sau mein kha chuka hai

vo aftārī se pahle chakhte chakhte

khujūreñ aur pakauḌe khā chukā hai

wo aftari se pahle chakhte chakhte

khujuren aur pakauDe kha chuka hai