تجھے سینے سے لگا لوں تجھے دل میں رکھ لوں

درد کی چھاؤں میں زخموں کی اماں میں آ جا

کیا ہاتھ اٹھائیے دعا کو

ہم ہاتھ اٹھا چکے دعا سے

نظر اٹھاؤ تو جھوم جائیں نظر جھکاؤ تو ڈگمگائیں

تمہاری نظروں سے سیکھتے ہیں طریق موت و حیات کے ہم

آہ بے اثر نکلی نالہ نارسا نکلا

اک خدا پہ تکیہ تھا وہ بھی آپ کا نکلا

عجیب شہر ہے گھر بھی ہیں راستوں کی طرح

کسے نصیب ہے راتوں کو چھپ کے رونا بھی

جو زخم دوستوں نے دیے ہیں وہ چھپ تو جائیں

پر دشمنوں کی سمت سے پتھر کوئی تو آئے

یہ راس رنگ یہ میل ملن اک ہاتھ میں چاند اک میں سورج

اک رات کا موج مزہ سارا اک دن کا سیر سپاٹا ہے

اک نوائے رفتہ کی بازگشت تھی قیسیؔ

دل جسے سمجھتے تھے دشت بے صدا نکلا

جتنے تھے رنگ حسن بیاں کے بگڑ گئے

لفظوں کے باغ شہر کی صورت اجڑ گئے

کئی بار دور کساد میں گرے مہر و ماہ کے دام بھی

مگر ایک قیمت جنس دل جو کھری رہی تو کھری رہی

اب تو فقط بدن کی مروت ہے درمیاں

تھا ربط جان و دل تو شروعات ہی میں تھا

آپ کو دیکھ کر دیکھتا رہ گیا

کیا کہوں اور کہنے کو کیا رہ گیا

چل قیسیؔ میلے میں چل کیا رونا تنہائی کا

کوئی نہیں جب تیرا میرا سب میرے سب تیرے

دلوں کا خوں کرو سالم رکھو گریباں کو

جنوں کی رسم زمانہ ہوا اٹھا دی ہے