bhuuk chehroñ pe liye chāñd se pyāre bachche

bechte phirte haiñ galiyoñ meñ ġhubāre bachche

bhuk chehron pe liye chand se pyare bachche

bechte phirte hain galiyon mein ghubare bachche

ham tum meñ kal duurī bhī ho saktī hai

vaj.h koī majbūrī bhī ho saktī hai

hum tum mein kal duri bhi ho sakti hai

wajh koi majburi bhi ho sakti hai

ḳhol chehroñ pe chaḌhāne nahīñ aate ham ko

gaañv ke log haiñ ham shahr meñ kam aate haiñ

KHol chehron pe chaDhane nahin aate hum ko

ganw ke log hain hum shahr mein kam aate hain

marne ke ba.ad ḳhud hī bikhar jā.ūñgā kahīñ

ab qabr kyā banegī agar ghar nahīñ banā

marne ke baad KHud hi bikhar jaunga kahin

ab qabr kya banegi agar ghar nahin bana

mere andar kā pāñchvāñ mausam

kis ne dekhā hai kis ne jaanā hai

mere andar ka panchwan mausam

kis ne dekha hai kis ne jaana hai