ماہ جبیں آصف اہم خاتون افسانہ نگار ،شاعرہ اور براڈکاسٹر کے طور پر جانی جاتی ہیں۔ انہوں نے حساس سماجی مسائل کو اپنے افسانوں اور نثری نظموں کا موضوع بنایا۔ کراچی میں پیدا ہوئیں۔ اصل نام ماہ جبیں صدیقی ہے، شادی کے بعد ماہ جبیں آصف کے نام سے لکھنا شروع کیا۔
ماہ جبیں اصف نے اسکول کے زمانے سے ہی لکھنا شروع کر دیا تھا۔ ابتدا میں ان کی تحریرں اہم اخبارات اور ’نئی نسلیں‘ جیسے موقر ادبی جریدوں میں شائع ہوئیں۔ وہ اپنے کالج کی ادبی کمیٹی کی رکن بھی رہیں۔ ان کے افسانوں اور شاعری کی کتابیں زیر طبع ہیں۔ اس کے علاوہ ان کے افسانے اور دیگر تحریریں ہند وپاک کے موقر ادبی جریدوں میں شائع ہوتی رہتی ہیں۔