aune-paune ġhazleñ bechīñ nazmoñ kā bevpār kiyā

dekho ham ne peT kī ḳhātir kyā kyā kārobār kiyā

aune-paune ghazlen bechin nazmon ka bewpar kiya

dekho hum ne peT ki KHatir kya kya karobar kiya

bas ek apne hī qadmoñ kī chaap suntā huuñ

maiñ kaun huuñ ki bhare shahr meñ bhī tanhā huuñ

bas ek apne hi qadmon ki chap sunta hun

main kaun hun ki bhare shahr mein bhi tanha hun

chāñdnī shab tū jis ko DhūñDne aa.ī hai

ye kamra vo shaḳhs to kab kā chhoḌ gayā

chandni shab tu jis ko DhunDne aai hai

ye kamra wo shaKHs to kab ka chhoD gaya

ek jañgal jis meñ insāñ ko darindoñ se hai ḳhauf

ek jañgal jis meñ insāñ ḳhud se hī sahmā huā

ek jangal jis mein insan ko darindon se hai KHauf

ek jangal jis mein insan KHud se hi sahma hua

ye aur baat ki chāhat ke zaḳhm gahre haiñ

tujhe bhulāne kī koshish to varna kī hai bahut

ye aur baat ki chahat ke zaKHm gahre hain

tujhe bhulane ki koshish to warna ki hai bahut