ik haath meñ mere chaa.e kā cup ik haath meñ mere haath tirā

hāthoñ ko talab hai hāthoñ kī aur dil ko talab hai saath tirā

ek hath mein mere chae ka cup ek hath mein mere hath tera

hathon ko talab hai hathon ki aur dil ko talab hai sath tera

ulfat to dekhiye mirī dīdār ke sabab

darvesh ban ke yaar kī chaukhaT pe aa gayā

ulfat to dekhiye meri didar ke sabab

darwesh ban ke yar ki chaukhaT pe aa gaya

zavāl ye hai ki ham zindagī se haar ga.e

kamāl ye hai ki ham zindagī guzār ga.e

zawal ye hai ki hum zindagi se haar gae

kamal ye hai ki hum zindagi guzar gae

ek muddat se niiñd taarī hai

ek muddat se so nahīñ paa.e

ek muddat se nind tari hai

ek muddat se so nahin pae

apne hāthoñ ko chūmtā hogā

terī zulfeñ sañvārne vaalā

apne hathon ko chumta hoga

teri zulfen sanwarne wala