allāh tere haath hai ḳhuddāriyoñ kī laaj

dānista hādsāt se Takrā gayā huuñ maiñ

allah tere hath hai KHuddariyon ki laj

danista hadsat se Takra gaya hun main

ādamiyyat kā zikr kyā nāseh

aadmī ab kahāñ haiñ saa.e haiñ

aadamiyyat ka zikr kya naseh

aadmi ab kahan hain sae hain

dil dhaḌaktā hai sitāroñ kā yahāñ

uf ye duniyā kis qadar tārīk hai

dil dhaDakta hai sitaron ka yahan

uf ye duniya kis qadar tarik hai

ḳhvāhish sukūn kī hai na ab iztirāb kī

allāh re zideñ dil-e-ḳhāna-ḳharāb kī

KHwahish sukun ki hai na ab iztirab ki

allah re ziden dil-e-KHana-KHarab ki

ai dil na kar qubūl mire dil na kar qubūl

manzil shikast-e-shauq hai manzil na kar qubūl

ai dil na kar qubul mere dil na kar qubul

manzil shikast-e-shauq hai manzil na kar qubul