dil bhī ab pahlū-tahī karne lagā

ho gayā tum sā tumhārī yaad meñ

dil bhi ab pahlu-tahi karne laga

ho gaya tum sa tumhaari yaad mein

kiyā hai chashm-e-muravvat ne aaj mā.il-e-mehr

maiñ un kī bazm se kal ābdīda aayā thā

kiya hai chashm-e-murawwat ne aaj mail-e-mehr

main un ki bazm se kal aabdida aaya tha

mahv-e-liqā jo haiñ malakūtī-ḳhisāl haiñ

bedār ho ke bhī nazar aate haiñ ḳhvāb meñ

mahw-e-liqa jo hain malakuti-KHisal hain

bedar ho ke bhi nazar aate hain KHwab mein

nigah-e-nāz se is chust qabā ne dekhā

shauq betāb gul-e-chāk-e-garebāñ samjhā

nigah-e-naz se is chust qaba ne dekha

shauq betab gul-e-chaak-e-gareban samjha

sikka apnā nahīñ jamtā hai tumhāre dil par

naqsh aġhyār ke kis taur se jam jaate haiñ

sikka apna nahin jamta hai tumhaare dil par

naqsh aghyar ke kis taur se jam jate hain