خود کشی قتل انا ترک تمنا بیراگ

زندگی تیرے نظر آنے لگے حل کتنے

کس سلیقے سے خیالوں کو زباں دے دے کر

مجھ کو اس شخص نے باتوں میں لگائے رکھا

مجھے تو یاد ہے اب تک وہ کیا زمانہ تھا

ترے جواب کا موسم مرے سوال کے دن

مری باتیں ہمیشہ ہی تمہیں یوں ہی سی لگتی ہیں تو مت سننا

مگر کچھ ہو ہی جائے تو نہ پچھتاؤ نہ گھبراؤ کہا تھا نا

سب سے بڑا یہ جرم تھا میرا اسی لئے بدنام ہوئی

ساری دنیا جہاں گری تھی اسی موڑ پر سنبھلی میں

کوئی شہنائی سے کہہ دو ذرا خاموش رہے

شور اچھا نہیں لگتا مجھے باراتوں کا