barā.e-nām hī sahī ba-ehtiyāt kījiye

darūn-e-kizb-o-iftirā sadāqateñ ḳhalat-malat

barae-nam hi sahi ba-ehtiyat kijiye

darun-e-kizb-o-iftira sadaqaten KHalat-malat

kisī ko saayā kisī ko gul-o-samar degā

harā-bharā hai daraḳht-e-rivāj rahne do

kisi ko saya kisi ko gul-o-samar dega

hara-bhara hai daraKHt-e-riwaj rahne do

lazzat kā zahr vaqt-e-sahr chhoḌ kar koī

shab ke tamām rishte farāmosh kar gayā

lazzat ka zahr waqt-e-sahr chhoD kar koi

shab ke tamam rishte faramosh kar gaya

sharāfatoñ ke rang meñ sharārteñ ḳhalat-malat

sar-mazāq ho ga.iiñ himāqateñ ḳhalat-malat

sharafaton ke rang mein shararten KHalat-malat

sar-mazaq ho gain himaqaten KHalat-malat

ye kaisā gul khilāyā hai shajar ne

samar banñe ko ġhuncha muntazir hai

ye kaisa gul khilaya hai shajar ne

samar banne ko ghuncha muntazir hai