ai parī husn tirā raunaq-e-hindustāñ hai

husn-e-yūsuf hai faqat misr ke bāzār kā ruup

ai pari husn tera raunaq-e-hindustan hai

husn-e-yusuf hai faqat misr ke bazar ka rup

ḳhaak chhanvātī hai dīvānoñ se apne muddatoñ

vo parī jab tak na kar le dar-ba-dar miltī nahīñ

KHak chhanwati hai diwanon se apne muddaton

wo pari jab tak na kar le dar-ba-dar milti nahin

muzhda-bād ai bāda-ḳhvāro daur-e-vā.iz ho chukā

madrase khode ga.e ta.amīr mai-ḳhāna huā

muzhda-baad ai baada-KHwaro daur-e-waiz ho chuka

madrase khode gae tamir mai-KHana hua

tabī.at ko hogā qalaq chand roz

Thaharte Thaharte Thahar jā.egī

tabiat ko hoga qalaq chand roz

Thaharte Thaharte Thahar jaegi

TuuTe but masjid banī mismār but-ḳhāna huā

jab to ik sūrat bhī thī ab saaf vīrāna huā

TuTe but masjid bani mismar but-KHana hua

jab to ek surat bhi thi ab saf virana hua