محبت عام سا اک واقعہ تھا

ہمارے ساتھ پیش آنے سے پہلے

لمحہ اتنی گنجائش رکھتا ہے خود میں

آپ اس میں آنے سے پہلے جا سکتے ہیں

آنسو نہیں بنا سو ہم نے

عجلت میں قہقہہ بنایا

کنوئیں کی سمت بلا لے نہ کوئی خواب مجھے

میں اپنے باپ کا سب سے حسین بیٹا ہوں

سال گزر جاتا ہے سارا

اور کلینڈر رہ جاتا ہے

وہ ایک خواب میں میرے قریب آئے اگر

میں سارے شہر کی نیندیں خرید سکتا ہوں

سب کو قدرت تھی خوش کلامی پر

خامشی میں زباں دراز تھا میں

گلے لگ کر ہم اس کے خوب روئے

خوشی اک دن ملی تھی راہ چلتے

زندہ اکٹھے ہو رہے ہیں

لگتا ہے کوئی مر گیا ہے

کھڑکی سے جھانک کر کسی نے

منظر کو واقعہ بنایا

دکھ سے دو چار سال چھوٹا ہوں

ہجر سے ایک دن بڑا ہوں میں

قیمت مرے سونے کی وہاں خاک لگے گی

ہو خاک کی قیمت جہاں سونے کے برابر

محبت عام سا اک واقعہ تھا

ہمارے ساتھ پیش آنے سے پہلے

روشنی ان دنوں کی بات ہے جب

دے رہا تھا کوئی دکھائی ہمیں

نمی جگہ بنا رہی ہے آنکھ میں

یہ تیر اب کمان سے نکالئے

اک عداوت سے فراغت نہیں ملتی ورنہ

کون کہتا ہے محبت نہیں کر سکتے ہم

کنوئیں کی سمت بلا لے نہ کوئی خواب مجھے

میں اپنے باپ کا سب سے حسین بیٹا ہوں

ایک رم جھم سی کیفیت کے بعد

موسلا دھار ہو رہا ہوں میں

آ رہا ہوں نصیحتیں لے کر

اس سے کہنا ابھی جوان رہے

یہ جو تالاب ہے دریا تھا کبھی

میں یہاں بیٹھ کے روتا تھا کبھی

ہم کو مصرع کے تنگ سینے میں

آہ بھرنے کا تجربہ ہے میاں

خریداروں میں بھگدڑ مچ گئی ہے

ہم اپنے دام بتلانے لگے ہیں

دکھ سے دو چار سال چھوٹا ہوں

ہجر سے ایک دن بڑا ہوں

سنا ہے کوئی دیوانہ یہاں پر

رہا کرتا تھا ویرانے سے پہلے

میں ترے دائیں بائیں رہتا ہوں

اے مرے سامنے کی مجبوری

آپ اگر سمجھا دیں خال و خد منظر کے

ہم اپنی حیرت کا نام بتا سکتے ہیں

اک عداوت سے فراغت نہیں ملتی ورنہ

کون کہتا ہے محبت نہیں کر سکتے ہم

آنسو نہیں بنا سو ہم نے

عجلت میں قہقہہ بنایا

زباں پہ توبہ کی ت کس طرف سے آ نکلی

ابھی گلاس میں باقی شراب کی ب ہے