شریف کنجاہی کی شاعری

شریف کنجاہی کے اشعار

تو جون کی گرمی سے نہ گھبرا کہ جہاں میں

یہ لو تو ہمیشہ نہ رہی ہے نہ رہے گی

طویل رات بھی آخر کو ختم ہوتی ہے

شریفؔ ہم نہ اندھیروں سے مات کھائیں گے

بستیاں تو نے خلاؤں میں بسائیں بھی تو کیا

دل کے ویرانوں کو دیکھ ان کو بھی کچھ آباد کر

غنودہ راہوں کو تک تک کے سوگوار نہ ہو

ترے قدم ہی مسافر انہیں جگائیں گے

گلزار میں وہ رت بھی کبھی آ کے رہے گی

جب کوئی کلی جور خزاں کے نہ سہے گی

خندۂ موج مری تشنہ لبی نے جانا

ریت کا تپتا ہوا دیکھ کے ذرہ کوئی