mohabbat ko bahut hotī hai ġhairat

ḳhatā un kī hai maiñ sharmā rahā huuñ

mohabbat ko bahut hoti hai ghairat

KHata un ki hai main sharma raha hun

koī ham se ḳhafā sā lagtā hai

varna dil kyuuñ bujhā sā lagtā hai

koi hum se KHafa sa lagta hai

warna dil kyun bujha sa lagta hai

saath terā rahā nahīñ baaqī

varna duniyā meñ kyā nahīñ baaqī

sath tera raha nahin baqi

warna duniya mein kya nahin baqi

vo nikle haiñ sarāpā ban-sañvar kar

qayāmat aa.egī ye aaj tai hai

wo nikle hain sarapa ban-sanwar kar

qayamat aaegi ye aaj tai hai

ik dā.imī sukūñ kī tamannā hai raat din

tañg aa ga.e haiñ gardish-e-shām-o-sahar se ham

ek daimi sukun ki tamanna hai raat din

tang aa gae hain gardish-e-sham-o-sahar se hum

chāhe dīvāna kaheñ yā log saudā.ī kaheñ

aa ga.e ham sar ko le kar pattharoñ ke shahr meñ

chahe diwana kahen ya log saudai kahen

aa gae hum sar ko le kar pattharon ke shahr mein

hijr meñ yuuñ bahte haiñ aañsū

jaise rim-jhim barse sāvan

hijr mein yun bahte hain aansu

jaise rim-jhim barse sawan

pathrā.ī āñkhoñ meñ dekho kyā kyā rañg dikhātā aañsū

Thahar gayā to ik qatra sā bah niklā to dariyā aañsū

pathrai aankhon mein dekho kya kya rang dikhata aansu

Thahar gaya to ek qatra sa bah nikla to dariya aansu

kahīñ āñsuoñ se likhā huā kahīñ āñsuoñ se miTā huā

lauh-e-dil pe jis ke nishān haiñ vahī ek naam qubūl hai

kahin aansuon se likha hua kahin aansuon se miTa hua

lauh-e-dil pe jis ke nishan hain wahi ek nam qubul hai

sukūñ-afzā bahut hai dard-e-ulfat

qarār ab umr bhar aa.e na aa.e

sukun-afza bahut hai dard-e-ulfat

qarar ab umr bhar aae na aae