مل بھی جاتا جو کہیں آب بقا کیا کرتے

زندگی خود بھی تھی جینے کی سزا کیا کرتے

پلک جھپکنے میں کچھ خواب ٹوٹ جاتے ہیں

جو بت شکن ہے وہی لمحہ بت تراش بھی تھا

مانگنے کو تو یہاں اپنے سوا کچھ بھی نہ تھا

لب پہ آتا بھی اگر حرف دعا کیا کرتے

روایتوں کو صلیبوں سے کر دیا آزاد

یہی رسن تو سر دار توڑ دی میں نے

تیری یادوں کی کہانی تو نہیں ہے تنویرؔ

دل پہ دستک جو دیا کرتا ہے خوشبو کی طرح

وہ دائروں سے جو باہر نہ آ سکے تنویرؔ

وہ رسم گردش پرکار توڑ دی میں نے

لمحہ در لمحہ گزرتا ہی چلا جاتا ہے

وقت خوشبو ہے بکھرتا ہی چلا جاتا ہے