chehre se jhaaḌ pichhle baras kī kudūrateñ

dīvār se purānā calender utaar de

chehre se jhaD pichhle baras ki kuduraten

diwar se purana calender utar de

ham itnī raushnī meñ dekh bhī sakte nahīñ us ko

so apne aap hī is chāñd ko gahnā.e rakhte haiñ

hum itni raushni mein dekh bhi sakte nahin us ko

so apne aap hi is chand ko gahnae rakhte hain

rāste haiñ khule hue saare

phir bhī ye zindagī rukī huī hai

raste hain khule hue sare

phir bhi ye zindagi ruki hui hai

tum hī batlāo ki us kī qadr kyā hogī tumheñ

jo mohabbat muft meñ mil jaa.e āsānī ke saath

tum hi batlao ki us ki qadr kya hogi tumhein

jo mohabbat muft mein mil jae aasani ke sath

uThā sakte nahīñ jab chuum kar hī chhoḌnā achchhā

mohabbat kā ye patthar is daf.a bhārī ziyāda hai

uTha sakte nahin jab chum kar hi chhoDna achchha

mohabbat ka ye patthar is dafa bhaari ziyaada hai