aab-dar-ab mere sath safar karte hain

Tariq Qamar

aab-dar-ab mere sath safar karte hain

Tariq Qamar

MORE BY Tariq Qamar

    āb-dar-āb mire saath safar karte haiñ

    tishna-lab ḳhvāb mire saath safar karte haiñ

    ik siyah-rāt ta.āqub meñ lagī rahtī hai

    najm-o-mahtāb mire saath safar karte haiñ

    dasht-e-ehsās tirī pyaas se maiñ haar gayā

    varna sailāb mire saath safar karte haiñ

    jānte haiñ ki mujhe niiñd nahīñ aatī hai

    phir bhī kuchh ḳhvāb mire saath safar karte haiñ

    ye batāte haiñ kahāñ baiThnā uThnā hai kahāñ

    mere ādāb mire saath safar karte haiñ

    ai samundar maiñ bachā.e hue phirtā huuñ tujhe

    saare girdāb mire saath safar karte haiñ

    sach to ye hai ki nahīñ ek bhī sachchā in meñ

    jitne alqāb mire saath safar karte haiñ

    ishq tanhā hai mire ālam-e-vahshat gavāh

    tāq-o-mehrāb mire saath safar karte haiñ

    kaun samjhegā in ashkoñ ibārat 'tāriq'

    saare eraab mire saath safar karte haiñ

    aab-dar-ab mere sath safar karte hain

    tishna-lab KHwab mere sath safar karte hain

    ek siyah-raat taaqub mein lagi rahti hai

    najm-o-mahtab mere sath safar karte hain

    dasht-e-ehsas teri pyas se main haar gaya

    warna sailab mere sath safar karte hain

    jaante hain ki mujhe nind nahin aati hai

    phir bhi kuchh KHwab mere sath safar karte hain

    ye batate hain kahan baiThna uThna hai kahan

    mere aadab mere sath safar karte hain

    ai samundar main bachae hue phirta hun tujhe

    sare girdab mere sath safar karte hain

    sach to ye hai ki nahin ek bhi sachcha in mein

    jitne alqab mere sath safar karte hain

    ishq tanha hai mere aalam-e-wahshat ka gawah

    taq-o-mehrab mere sath safar karte hain

    kaun samjhega in ashkon ki ibarat 'tariq'

    sare erab mere sath safar karte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites