aabla-pai hui na zist mein hail kabhi

ābla-pā.ī huī na ziist meñ haa.il kabhī

paañv kab mere thake gar ho ga.e ghā.il kabhī

pur-kashish hai mahfil-e-duniyā bahut apnī jagah

par mujhe ye apnī jānib kar sakī maa.il kabhī

har amal kā ajr hai mahfūz apne rab ke paas

koī bhī achchhā amal jaatā nahīñ zaa.il kabhī

chhā ga.ī mastī badan meñ aur dil par ik surūr

zehn meñ jab baj uThī mahbūb kī paa.il kabhī

jholiyāñ bhar dī ga.iiñ rahmat se rab kī dosto

kab hai ḳhālī haath lauTā koī bhī saa.il kabhī

baat sachchī hai to kahne meñ takalluf kyā tujhe

log ho hī jā.eñge 'ākif' tire qaa.il kabhī

aabla-pai hui na zist mein hail kabhi

panw kab mere thake gar ho gae ghail kabhi

pur-kashish hai mahfil-e-duniya bahut apni jagah

par mujhe ye apni jaanib kar saki mail kabhi

har amal ka ajr hai mahfuz apne rab ke pas

koi bhi achchha amal jata nahin zail kabhi

chha gai masti badan mein aur dil par ek surur

zehn mein jab baj uThi mahbub ki pail kabhi

jholiyan bhar di gain rahmat se rab ki dosto

kab hai KHali hath lauTa koi bhi sail kabhi

baat sachchi hai to kahne mein takalluf kya tujhe

log ho hi jaenge 'akif' tere qail kabhi