aae koi hamraaz sitamgar koi aae

aa.e koī hamrāz sitamgar koī aa.e

hasrat thī kabhī mere barābar koī aa.e

aatī haiñ mire dil ke kivāḌoñ se sadā.eñ

ik baar kabhī mere bhī dar par koī aa.e

vīrān paḌī hai ye havelī bhī kabhū kī

hasrat hai ki is dil ke bhī andar koī aa.e

ham baiThe haiñ is aas pe kab ke mire allāh

zar aa.e sadaf aa.e yā gauhar koī aa.e

jis ne kabhī bastī se nikālā mujhe 'hamza'

ab us kī ye hasrat ki mayassar koī aa.e

aae koi hamraaz sitamgar koi aae

hasrat thi kabhi mere barabar koi aae

aati hain mere dil ke kiwaDon se sadaen

ek bar kabhi mere bhi dar par koi aae

viran paDi hai ye haweli bhi kabhu ki

hasrat hai ki is dil ke bhi andar koi aae

hum baiThe hain is aas pe kab ke mere allah

zar aae sadaf aae ya gauhar koi aae

jis ne kabhi basti se nikala mujhe 'hamza'

ab us ki ye hasrat ki mayassar koi aae