aaj ke din ko yuuñ bhar jā.ūñgā
ban ke ik umr guzar jā.ūñgā
sub.h meñ paidā huā thā phir se
aur phir raat ko mar jā.ūñgā
maiñ ta.āqub meñ huuñ apne dil ke
ye jidhar jaa.e udhar jā.ūñgā
ye salīb aur ye kīleñ mujh se
jo nikāloge bikhar jā.ūñgā
is laḌā.ī meñ mire Dar se mirī
chhoḌ kar apnī sipar jā.ūñgā
haar ke bhī mujhe jaanā jo paḌe
maiñ jhukā ke nahīñ sar jā.ūñgā
manzileñ naam tumhāre kar ke
saath meñ le ke Dagar jā.ūñgā
ḳhatm merā ye safar hogā nahīñ
rāste meñ ho to ghar jā.ūñgā
baad mere na bharī jā.egī
vo jagah dil meñ maiñ kar jā.ūñgā
mustahiq aañkh milegī jo kahīñ
de ke us ko maiñ nazar jā.ūñgā
kuchh ghaḌī saath nibhā bhī duuñ to kyā
āḳhirash to maiñ magar jā.ūñgā
pyaas ko rakh ke kināre us ke
ye jo sahrā hai maiñ tar jā.ūñgā
aaj ke din ko yun bhar jaunga
ban ke ek umr guzar jaunga
subh mein paida hua tha phir se
aur phir raat ko mar jaunga
main taaqub mein hun apne dil ke
ye jidhar jae udhar jaunga
ye salib aur ye kilen mujh se
jo nikaloge bikhar jaunga
is laDai mein mere Dar se meri
chhoD kar apni sipar jaunga
haar ke bhi mujhe jaana jo paDe
main jhuka ke nahin sar jaunga
manzilen nam tumhaare kar ke
sath mein le ke Dagar jaunga
KHatm mera ye safar hoga nahin
raste mein ho to ghar jaunga
baad mere na bhari jaegi
wo jagah dil mein main kar jaunga
mustahiq aankh milegi jo kahin
de ke us ko main nazar jaunga
kuchh ghaDi sath nibha bhi dun to kya
aaKHirash to main magar jaunga
pyas ko rakh ke kinare us ke
ye jo sahra hai main tar jaunga
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
