aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaj sayyaad ne bhule se chaman dikhlaya

Nasim Maysori

aaj sayyaad ne bhule se chaman dikhlaya

Nasim Maysori

MORE BYNasim Maysori

    aaj sayyād ne bhūle se chaman dikhlāyā

    merī taqdīr ne phir mujh ko vatan dikhlāyā

    ain mastī meñ jo vo shoḳh huā sar ki jabīñ

    ye uḌe hosh ki nashshe ne hiran dikhlāyā

    jhuT-puTā vaqt huā maut sāmāñ shab-e-vasl

    sahar-e-hijr murdoñ ne kafan dikhlāyā

    chāñd ko dekhte haiñ loTte añgāroñ par

    tum ne kyuuñ kabk-e-darī ko ye chalan dikhlāyā

    aa.e vallāh dil-e-hairān meñ kyā kuchh armāñ

    us ne ā.īne ko tan tan ke jo tan dikhlāyā

    marte jiite rahe ham to ajī dam dam meñ

    na kamar us ne dikhā.ī na dahan dikhlāyā

    yaad meñ phuul se gāloñ ke sambhālā dil ko

    kabhī nasrīñ to kabhī us ko saman dikhlāyā

    phir tirā shor-e-tabassum jo namak-rez huā

    phir mirā taaza mujhe zaḳhm-e-kuhan dikhlāyā

    kal jo thā va.ada-e-vasl aaj vo fardā niklā

    din qayāmat to ai va.ada-shikan dikhlāyā

    kyuuñ na maiñ ḳhaar banūñ chashm-e-raqībāñ meñ 'nasīm'

    phuul se gaal mujhe ġhuncha-dahan dikhlāyā

    aaj sayyaad ne bhule se chaman dikhlaya

    meri taqdir ne phir mujh ko watan dikhlaya

    ain masti mein jo wo shoKH hua sar ki jabin

    ye uDe hosh ki nashshe ne hiran dikhlaya

    jhuT-puTa waqt hua maut ka saman shab-e-wasl

    sahar-e-hijr ka murdon ne kafan dikhlaya

    chand ko dekhte hain loTte angaron par

    tum ne kyun kabk-e-dari ko ye chalan dikhlaya

    aae wallah dil-e-hairan mein kya kuchh arman

    us ne aaine ko tan tan ke jo tan dikhlaya

    marte jite hi rahe hum to aji dam dam mein

    na kamar us ne dikhai na dahan dikhlaya

    yaad mein phul se galon ke sambhaala dil ko

    kabhi nasrin to kabhi us ko saman dikhlaya

    phir tera shor-e-tabassum jo namak-rez hua

    phir mera taza mujhe zaKHm-e-kuhan dikhlaya

    kal jo tha wada-e-wasl aaj wo farda nikla

    din qayamat ka to ai wada-shikan dikhlaya

    kyun na main KHar banun chashm-e-raqiban mein 'nasim'

    phul se gal mujhe ghuncha-dahan dikhlaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now