āñkhoñ meñ to aañsū ko sukūñ tak nahīñ miltā
dāman pe jab aatā hai to hotā hai ravāñ aur
ai quvvat-e-parvāz zarā aur sahārā
sunte haiñ sitāroñ meñ haiñ ābād jahāñ aur
gahrā ho agar sajda to khiñch aate haiñ jalve
peshānī-e-ālam pe ubhartā hai nishāñ aur
taqsīm agar hotā hai sho.aloñ meñ nasheman
jalte hue tinkoñ se lipaTtā hai dhuāñ aur
ho rañg pe mahfil to badaltī haiñ fazā.eñ
ai 'fazl' sañvar jaatā hai andāz-e-bayāñ aur
aankhon mein to aansu ko sukun tak nahin milta
daman pe jab aata hai to hota hai rawan aur
ai quwwat-e-parwaz zara aur sahaara
sunte hain sitaron mein hain aabaad jahan aur
gahra ho agar sajda to khinch aate hain jalwe
peshani-e-alam pe ubharta hai nishan aur
taqsim agar hota hai shoalon mein nasheman
jalte hue tinkon se lipaTta hai dhuan aur
ho rang pe mahfil to badalti hain fazaen
ai 'fazl' sanwar jata hai andaz-e-bayan aur
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
