aap be-kar ulajh baiThe hain taqdir ke sath
aap be-kar ulajh baiThe hain taqdir ke sath
Faisal Nadeem Faisal
MORE BYFaisal Nadeem Faisal
aap be-kār ulajh baiThe haiñ taqdīr ke saath
pahle paḌhiye to zarā sabr ko tafsīr ke saath
maslahat hai ki mohabbat hai ġhazab hai jo hai
dekh dīvār utar aa.ī hai tasvīr ke saath
muflisī aa ga.ī is baar bhī aaḌe varna
lāziman phuul bhī milte tujhe tahrīr ke saath
kyā hī achchhā thā shah-e-vaqt ki aisā hotā
dukh filistīñ kā bhī hotā tujhe kashmīr ke saath
sūjhtā hai kabhī 'faisal' jo kināra karnā
laakh ḳhadshāt janam lete haiñ tadbīr ke saath
aap be-kar ulajh baiThe hain taqdir ke sath
pahle paDhiye to zara sabr ko tafsir ke sath
maslahat hai ki mohabbat hai ghazab hai jo hai
dekh diwar utar aai hai taswir ke sath
muflisi aa gai is bar bhi aaDe warna
laziman phul bhi milte tujhe tahrir ke sath
kya hi achchha tha shah-e-waqt ki aisa hota
dukh filistin ka bhi hota tujhe kashmir ke sath
sujhta hai kabhi 'faisal' jo kinara karna
lakh KHadshat janam lete hain tadbir ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
