ab sochta hun jaun to jaun kidhar ko main
ab sochtā huuñ jā.ūñ to jā.ūñ kidhar ko maiñ
ai kaash chhoḌtā na tirī rahguzar ko maiñ
dil ġham kā aa.ina hai nazar dil kā aa.ina
kaise chhupā.ūñ soz-e-nihāñ ke asar ko maiñ
aalam tamām ek fareb-e-nigāh hai
ab kyā dikhā.ūñ chashm-e-haqīqat-nigar ko maiñ
mad.hoshiyoñ meñ TuuT gayā dil kā aa.ina
ab kaise muñh dikhā.ūñgā ā.īna-gar ko maiñ
un kī nazar ḳhudā na kare munfa.il ho 'kaif'
dekhūñ na kaash jazba-e-ġham ke asar ko maiñ
ab sochta hun jaun to jaun kidhar ko main
ai kash chhoDta na teri rahguzar ko main
dil gham ka aaina hai nazar dil ka aaina
kaise chhupaun soz-e-nihan ke asar ko main
aalam tamam ek fareb-e-nigah hai
ab kya dikhaun chashm-e-haqiqat-nigar ko main
madhoshiyon mein TuT gaya dil ka aaina
ab kaise munh dikhaunga aaina-gar ko main
un ki nazar KHuda na kare munfail ho 'kaif'
dekhun na kash jazba-e-gham ke asar ko main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
