abhi to dil mein hai jo kuchh bayan karna hai

abhī to dil meñ hai jo kuchh bayān karnā hai

ye baad meñ sahī kis baat se mukarnā hai

tū mere saath kahāñ tak chalegā mere ġhazāl

maiñ rāsta huuñ mujhe shahr se guzarnā hai

kanār-e-āb maiñ kab tak ginūñgā lahroñ ko

hai shaam sar pe mujhe paar bhī utarnā hai

abhī to maiñ ne havāoñ meñ rañg bharne haiñ

abhī to maiñ ne ufuq dar ufuq bikharnā hai

diler haiñ ki abhī dostoñ meñ baiThe haiñ

gharoñ ko jaate hue saa.e se bhī Darnā hai

maiñ muntazir huuñ kisī haath kā banāyā huā

ki us ne mujh meñ abhī aur rañg bharnā hai

hazār sadiyoñ kī roñdī huī zamīñ hai 'nasīm'

nahīñ huuñ maiñ ki jise pahlā paañv dharnā hai

abhi to dil mein hai jo kuchh bayan karna hai

ye baad mein sahi kis baat se mukarna hai

tu mere sath kahan tak chalega mere ghazal

main rasta hun mujhe shahr se guzarna hai

kanar-e-ab main kab tak ginunga lahron ko

hai sham sar pe mujhe par bhi utarna hai

abhi to main ne hawaon mein rang bharne hain

abhi to main ne ufuq dar ufuq bikharna hai

diler hain ki abhi doston mein baiThe hain

gharon ko jate hue sae se bhi Darna hai

main muntazir hun kisi hath ka banaya hua

ki us ne mujh mein abhi aur rang bharna hai

hazar sadiyon ki rondi hui zamin hai 'nasim'

nahin hun main ki jise pahla panw dharna hai