ai dil teri barbaadi ke aasar bahut hain

Pinhaan

ai dil teri barbaadi ke aasar bahut hain

Pinhaan

MORE BY Pinhaan

    ai dil tirī barbādī ke āsār bahut haiñ

    shahkār ke bahrūp meñ fankār bahut haiñ

    nā-vāqif-e-ādāb-e-mohabbat ko sazā kyā

    ai husn-e-azal tere ḳhatā-kār bahut haiñ

    yādoñ bahāreñ bhī haiñ vīrāna-e-dil meñ

    is dasht-e-bayābāñ meñ ye gulzār bahut haiñ

    ye vaqt sāzish hai ki sūraj sharārat

    saa.e mirī dīvār ke us paar bahut haiñ

    dil ḳhud jo nahīñ rakhte haiñ vo lete bhī nahīñ dil

    ḳhuddār ziyāda haiñ jo nādār bahut haiñ

    jiine ke liye dil meñ jagah chāhiye varna

    marnā hai to phir bas dar-o-dīvār bahut haiñ

    bas ḳhair ho ḳhair duā aao ye māñgeñ

    lagtā hai ki ab shar ke taraf-dār bahut haiñ

    ḳhud se bhī to milne ijāzat nahīñ dete

    hastī ke haqā.eq jo pur-asrār bahut haiñ

    jiine bhī nahīñ dete haiñ marne bhī na deñge

    kuchh mere savālāt jo be-kār bahut haiñ

    dīvān pe dīvān bhī kam hote haiñ 'pinhāñ'

    ash.ār jo dil chhū leñ vo do chaar bahut haiñ

    ai dil teri barbaadi ke aasar bahut hain

    shahkar ke bahrup mein fankar bahut hain

    na-waqif-e-adab-e-mohabbat ko saza kya

    ai husn-e-azal tere KHata-kar bahut hain

    yaadon ki bahaaren bhi hain virana-e-dil mein

    is dasht-e-bayaban mein ye gulzar bahut hain

    ye waqt ki sazish hai ki suraj ki shararat

    sae meri diwar ke us par bahut hain

    dil KHud jo nahin rakhte hain wo lete bhi nahin dil

    KHuddar ziyaada hain jo nadar bahut hain

    jine ke liye dil mein jagah chahiye warna

    marna hai to phir bas dar-o-diwar bahut hain

    bas KHair ki ho KHair dua aao ye mangen

    lagta hai ki ab shar ke taraf-dar bahut hain

    KHud se bhi to milne ki ijazat nahin dete

    hasti ke haqaeq jo pur-asrar bahut hain

    jine bhi nahin dete hain marne bhi na denge

    kuchh mere sawalat jo be-kar bahut hain

    diwan pe diwan bhi kam hote hain 'pinhan'

    ashaar jo dil chhu len wo do chaar bahut hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites