apni tajwiz par ganwae gae

apnī tajvīz par gañvā.e ga.e

ham agar is jahāñ meñ paa.e ga.e

dil ke atrāf meñ umīdeñ thiiñ

dekh dekh un ko muskurā.e ga.e

apne hone meñ saañs lete the

mar ga.e is qadar satā.e ga.e

farz the jo nahīñ hue vo adā

qarz the jo nahīñ chukā.e ga.e

fā.eda maut meñ dikhā.ī diyā

ziist vaale udaas paa.e ga.e

kyā badī kā faroġh thā 'bedī'

ham se logoñ pe zulm Dhaa.e ga.e

apni tajwiz par ganwae gae

hum agar is jahan mein pae gae

dil ke atraf mein umiden thin

dekh dekh un ko muskurae gae

apne hone mein sans lete the

mar gae is qadar satae gae

farz the jo nahin hue wo ada

qarz the jo nahin chukae gae

faeda maut mein dikhai diya

zist wale udas pae gae

kya badi ka farogh tha 'bedi'

hum se logon pe zulm Dhae gae