ashk-e-gham aankhon se kitne bah gae

ashk-e-ġham āñkhoñ se kitne bah ga.e

jo na kahnā thā use ham kah ga.e

chhuT ke tujh se be-sahāre rah ga.e

zindagī ke sab kināre bah ga.e

koī insāñ sā asīr-e-ġham nahīñ

aa.ī jo sar par hamāre sah ga.e

dekh kar duniyā ke ye taur-o-tarīq

kitne naġhme ghuT ke dil meñ rah ga.e

pahuñchā dīvāna to manzil par magar

īn-o-āñ meñ ham ulajh kar rah ga.e

terā ġham fikr-e-jahāñ tanhā.iyāñ

daaġh ham siine pe kyā kyā sah ga.e

hijr meñ bhī vasl ke aa.e maze

yuuñ tasavvur meñ ham un ke bah ga.e

kis ne paa.ī terī nazroñ se panāh

dil ko apne ab bachāte rah ga.e

ab javānī kā vahāñ josh-o-ḳharosh

ai 'habīb' ab hausle sab Dah ga.e

ashk-e-gham aankhon se kitne bah gae

jo na kahna tha use hum kah gae

chhuT ke tujh se be-sahaare rah gae

zindagi ke sab kinare bah gae

koi insan sa asir-e-gham nahin

aai jo sar par hamare sah gae

dekh kar duniya ke ye taur-o-tariq

kitne naghme ghuT ke dil mein rah gae

pahuncha diwana to manzil par magar

in-o-an mein hum ulajh kar rah gae

tera gham fikr-e-jahan tanhaiyan

dagh hum sine pe kya kya sah gae

hijr mein bhi wasl ke aae maze

yun tasawwur mein hum un ke bah gae

kis ne pai teri nazron se panah

dil ko apne ab bachate rah gae

ab jawani ka wahan josh-o-KHarosh

ai 'habib' ab hausle sab Dah gae