aur ab to mere chehre se ubhar aata hai wo

aur ab to mere chehre se ubhar aatā hai vo

aa.ina maiñ dekhtā huuñ aur nazar aatā hai vo

hāl-e-dil kahne ko bārish kī zarūrat hai mujhe

aur mere ghar havā ke dosh par aatā hai vo

raat ko dil se koī āvāz aatī hai mujhe

jism kī dīvār se kaise guzar aatā hai vo

vaqt kho jaatā hai merī anjuman meñ is liye

apne baazū par ghaḌī ko bāñdh kar aatā hai vo

āḳhirī ziine talak koī ḳhabar hotī nahīñ

dil ke tah-ḳhāne meñ chupke se utar aatā hai vo

maiñ havā kī guftugū likhtā huuñ barg-e-shām par

jo kisī ko bhī nahīñ aatā hunar aatā hai vo

sar-burīdoñ ko tunak kar raat sūraj ne kahā

aur jab shānoñ pe rakh kar apnā sar aatā hai vo

vo nikaltā hī nahīñ 'mansūr' terī zaat se

zikr aa.e to sahī āñkhoñ meñ dar aatā hai vo

aur ab to mere chehre se ubhar aata hai wo

aaina main dekhta hun aur nazar aata hai wo

haal-e-dil kahne ko barish ki zarurat hai mujhe

aur mere ghar hawa ke dosh par aata hai wo

raat ko dil se koi aawaz aati hai mujhe

jism ki diwar se kaise guzar aata hai wo

waqt kho jata hai meri anjuman mein is liye

apne bazu par ghaDi ko bandh kar aata hai wo

aaKHiri zine talak koi KHabar hoti nahin

dil ke tah-KHane mein chupke se utar aata hai wo

main hawa ki guftugu likhta hun barg-e-sham par

jo kisi ko bhi nahin aata hunar aata hai wo

sar-buridon ko tunak kar raat suraj ne kaha

aur jab shanon pe rakh kar apna sar aata hai wo

wo nikalta hi nahin 'mansur' teri zat se

zikr aae to sahi aankhon mein dar aata hai wo