aur kya KHak meri KHak se nikla hoga

aur kyā ḳhaak mirī ḳhaak se niklā hogā

kuchh gumāñ hai bhī to idrāk se niklā hogā

bū-e-gul apnī taraf khīñch rahī hai mujh ko

rang shāyad tirī poshāk se niklā hogā

maiñ ne paikar bhī usī chaak pe dekhā apnā

merā partau bhī usī chaak se niklā hogā

mujh se milne vo jo kal raat ko aayā huā thā

kyā sitāra sā vo aflāk se niklā hogā

us ghaḌī ashk hī dekhe the nikalte sab ne

ḳhvāb phir dīda-e-namnāk se niklā hogā

ḳhaak uḌānā thī ise dasht-e-junūñ meñ rah kar

dil kahāñ dard kī imlāk se niklā hogā

roz-e-mahshar mirī pahchān kā bā'is 'āzar'

ek sho'la ḳhas-o-ḳhāshāk se niklā hogā

aur kya KHak meri KHak se nikla hoga

kuchh guman hai bhi to idrak se nikla hoga

bu-e-gul apni taraf khinch rahi hai mujh ko

rang shayad teri poshak se nikla hoga

main ne paikar bhi usi chaak pe dekha apna

mera partau bhi usi chaak se nikla hoga

mujh se milne wo jo kal raat ko aaya hua tha

kya sitara sa wo aflak se nikla hoga

us ghaDi ashk hi dekhe the nikalte sab ne

KHwab phir dida-e-namnak se nikla hoga

KHak uDana thi ise dasht-e-junun mein rah kar

dil kahan dard ki imlak se nikla hoga

roz-e-mahshar meri pahchan ka ba'is 'azar'

ek sho'la KHas-o-KHashak se nikla hoga