baat dil ki koi an-kahi rah gai

baat dil kī koī an-kahī rah ga.ī

hoñTh chup aur nazar ye jhukī rah ga.ī

ḳhat kā har harf ham ne jalāyā magar

lafz-dar-lafz vābastagī rah ga.ī

thā charāġhoñ sā raushan kabhī ghar mirā

saath chhūTā to bas tīrgī rah ga.ī

dāstāñ ġham kī shā.ir bayāñ kar gayā

lafz kī dekh jādūgarī rah ga.ī

umr bhar mashġhala jis ko ham ne kahā

band safhoñ meñ vo shā.irī rah ga.ī

bhīgī in palkoñ se ye bayāñ ho gayā

koī ḳhvāhish kahīñ ik dabī rah ga.ī

yuuñ to hāsil jahāñ meñ huā sab magar

ye kitāb-e-tamannā khulī rah ga.ī

ek maiñ ek tum aur zamāna ye ik

roz dīvār koī khaḌī rah ga.ī

baat dil ki koi an-kahi rah gai

honTh chup aur nazar ye jhuki rah gai

KHat ka har harf hum ne jalaya magar

lafz-dar-lafz wabastagi rah gai

tha charaghon sa raushan kabhi ghar mera

sath chhuTa to bas tirgi rah gai

dastan gham ki shair bayan kar gaya

lafz ki dekh jadugari rah gai

umr bhar mashghala jis ko hum ne kaha

band safhon mein wo shairi rah gai

bhigi in palkon se ye bayan ho gaya

koi KHwahish kahin ek dabi rah gai

yun to hasil jahan mein hua sab magar

ye kitab-e-tamanna khuli rah gai

ek main ek tum aur zamana ye ek

roz diwar koi khaDi rah gai