baDe KHulus se apna bana liya tha mujhe

baḌe ḳhulūs se apnā banā liyā thā mujhe

tumhāre hijr ne zinda bachā liyā thā mujhe

yaqīn jaan bahut Dar gayā thā us din jab

gale se tū ne achānak lagā liyā thā mujhe

bichhaḌ ga.e haiñ to saarā qusūr hai terā

ki tū ne sar pe jo itnā chaḌhā liyā thā mujhe

maiñ itnī der kahīñ baiTh hī nahīñ saktā

kisī ne haath pakaḌ kar biThā liyā thā mujhe

jo is tarah se mujhe ḳharch kar rahā hai tū

ye chand roz meñ kitnā kamā liyā thā mujhe

mujhe ḳhushī hai suhūlat se ab marūñgā maiñ

ki ek baar to us ne bachā liyā thā mujhe

vo sard shaam vo bārish vo lāpatā yādeñ

kisī ne shaal meñ 'sāhir' chhupā liyā thā mujhe

baDe KHulus se apna bana liya tha mujhe

tumhaare hijr ne zinda bacha liya tha mujhe

yaqin jaan bahut Dar gaya tha us din jab

gale se tu ne achanak laga liya tha mujhe

bichhaD gae hain to sara qusur hai tera

ki tu ne sar pe jo itna chaDha liya tha mujhe

main itni der kahin baiTh hi nahin sakta

kisi ne hath pakaD kar biTha liya tha mujhe

jo is tarah se mujhe KHarch kar raha hai tu

ye chand roz mein kitna kama liya tha mujhe

mujhe KHushi hai suhulat se ab marunga main

ki ek bar to us ne bacha liya tha mujhe

wo sard sham wo barish wo lapata yaaden

kisi ne shaal mein 'sahir' chhupa liya tha mujhe